بداية

دى هى مدونتى مش عارف ليه عملتها ، هل عشان كل الناس عندها مدونات فانا لازم أعمل مدونة ؛ عما أعتقد لست أنا هذه الشخصية ، بس أنا حسيت إن أنا قادر على الكتابه أو بمعنى أدق ببقى عاوز أقول حاجات كتير وتعليقات على مواقف بشوفها وأحداث بسمعها بس مش عارف أقولها لمين وهل اللى هقولهالوا ده هيحس باللى أنا بقوله ولا لا .
يمكن السبب الأخير ده ليه نصيب كبير فى قرارى بعمل مدونة .
والسبب التانى اللى انا شايفه كان قوى ومؤثر إن أنا ساعات بتقع قدامى أخبار أو مقالات أحسب إنها مهمه ولازم ناس كتير تعرفها على الأقل أصحابى اللى انا أعرفهم ويعرفونى .
أما بالنسبة للأسم فعاوز أقولكم إن أنا فكرت فيه كتيير فعلا وكنت بحاول على قد ماقدر أعثر على إسم يعبر عن اللى جوايه ويمكن لضعفى بعض الشئ فى اللغه العربيه أو فقرى بمصطلحاتها هو ما أرشدنى إلى كلمتى (الحياه والأفق) ، فالكلمة الأولى تعبر عن الحياة بكل ماتحتويها هذه الكلمة من معانى ولا أريد أن أعبر عن مفهومى للحياه حتى يرى القارئ ويشعربالمعنى الذى يريد هو أن يشعر به فى كلمة حياه ؛ أما الثانية -فى مفهومى أنا - تعبر بشكل أساسى عن كل مايؤثر على الحياه ليجعلها حياه مليئة بالحب والرقى . لا أعلم إن كان هذا التفسير لكلمة أفق وتأثيرها فى الحياه صحيح أم لاولكن هذا ما أستشعره ، ودعونا نتفق أن مواضيع هذه المدونة سوف توضح بشكل أكبر ما أريد أن أشرحه.
المنضم جديداً فى عالم المدونات
كريم منصور